Қырымда 100 шақты дельфин мұзға қысылып қалған
АСТАНА. 28 наурыз. ҚазАқпарат - Қырымда Новоотрадное ауданы маңында Азов мемлекеттік балықтарды қорғау аумақтық бөлімінің қызметкерлері азовка түріне жататын 100 шақты дельфинді анықтады.
Олар теңіз жағасы мен ұзындығы 200, ені 6 метр мұздың арасында қысылып қалған. Бұл туралы ИТАР-ТАСС агенттігі хабарлады.
Қырым аумақтық бөлімінің жетекші ихтиологы А. Матвеев украиналық "Керчь.ФМ" радиостансасында мәлім еткендей, дельфиндерді құтқару үшін арнайы техника қажет. «Егерде ешқандай шара қолданбаса, дельфиндер өліп қалады», -деді маман.
Болған оқиға жайлы табиғатты қорғау прокуратурасы мен экологиялық инспекцияға хабарланды.
