Қытай екі навигациялық жерсерігін ұшырды

АСТАНА. ҚазАқпарат - 25 шілдеде Бейжің уақытымен сағат 20:29-да Сичан ғарыштық ұшыру орталығының №2 ұшыру кешенінен «Бэйдоу» навигациялық жүйесінің 18-ші және 19-шы серігін мақсатты айналмалы орбитасына шығарумен YZ-1 жүрдек блогы бар CZ-3B зымыран тасығышы сәтті ұшырылды.

«Бұл «Чанчжэн» («Ұлы серуен») сериясының 206-шы зымыран тасығышының ұшырылымы», - деп хабарлады Қытайдың «Синьхуа» агенттігі.