Қытай халқы 10 жылда 74 млн. адамға өсті

АСТАНА. 28 сәуір. ҚазАқпарат - Қытайда 2010 жылғы халық санағының мәліметтері жарияланды, деп жазады РСН агенттігі.

"ҚХР халқының саны соңғы 10 жылда 73,9 миллион адамға өсіп, 1,34 млрд. адамды құрады, деп хабарлады ҚХР мемлекеттік статистикалық басқарманың бастығы Ма Цзяньтан 2010 жылы елде өткен халық санағының қорытындылары бойынша өткізілген баспасөз конференциясында, - деп хабарлайды РИА Жаңалықтардың Бейжіңдегі тілшісі.

Халық санының орташа жылдық өсімі 2001-2010 жылдары 0,57% құрады, алдыңғы он жылдықпен салыстырғанда 0,5 пайыздық пунктіге баяулады.