Қытай Қырғызстанмен шекарасын уақытша жабады
БІШКЕК. ҚазАқпарат - Еңбек күнін тойлауға байланысты Қытай Қырғызстанмен шекарасын уақытша жабады, деп хабарлады Қырғыз Республикасының Мемлекеттік шекара қызметінің баспасөз қызметінен.
«Қытайлық тараптың бастамасымен, ҚХР-да Еңбек күнінің тойлануына байланысты қырғыздық-қытайлық мемлекеттік шекара учаскесіндегі «Торугарт-автодорожный» және «Иркештам-автодорожный» өткізу бекеттері 2015 жылы 1 мамырдан 3 мамырға дейін жабылады»,- делінген хабарламада.
Тұлғаларға, көлік құралдары мен жүк көліктеріне бұл жерлерден өтуге 2015 жылдың 4 мамырынан бастап рұқсат беріледі.
