Қытай мектебінде 30 оқушы доңыз тұмауымен сырқаттанып қалды
>МӘСКЕУ. Маусымның 22-сі. ҚазАқпарат - Қытайдың Дунгван қаласындағы бастауыш мектепте доңыз тұмауы деп аталып жүрген A (H1N1) вирусын 30 оқушының жұқтырғаны анықталды,
деп хабарлайды ҚазАқпарат Утро.ру агенттігіне сілтеме жасап.
Денсаулық сақтау министрлігі жергілікті өкілдерінің айтуынша, мектеп оқушыларының жағдайы қанағаттанарлық, ал мектеп эпидемияның одан әрі таралмауы үшін карантинге жабылды.
Ресми деректерге қарағанда, Қытайда «доңыз тұмауына» ұшырағандардың саны 414 адамға жетті. Дүниежүзілік денсаулық сақтау ұйымының мәліметі бойынша, бүкіл әлемде A (H1N1) тұмауын жұқтырудың 44287 оқиғасы анықталды, оның ішінде 180 адам көз жұмған.
