Қытай мобильді қосымшаларды бақылауды күшейтпек
Сейсенбі күні мақұлданған қаулыға сәйкес әзірлеушілер қосымшаларды қолданушыларды шын аты-жөнімен тіркеуге және бағдарламаларының көмегімен берілетін ақпараттың мониторингін жүргізуге міндетті. Қытайдың заңнамасын бұзатын тұлғалардың есептік жазбалары мәжбүрлі түрде жабылады.
Сондай-ақ әзірлеушілер пайдаланушылардың белсенділігі туралы ақпаратты кемі 60 күн сақтауы тиіс. Мобильді қосымшалар дүкендерінің иелерін өз платформаларында бағдарламалар сататын әзірлеушілерді қатаң тексеруге міндеттейді, дейді ТАСС.
Жаңа ережелер биылғы 1 тамыздан бастап күшіне енеді. Қаулыда көрсетілгендей, аталмыш ережелер Қытайдың мобильді ғаламтор пайдаланушыларын терроризм, алаяқтық, порнография, жалған мәлімет таратудан және ақпараттың ұрлануынан қорғайды.
2015 жылдың соңында ҚХР-да ғаламтор пайдаланушылардың саны 688 миллионға жеткен. Оның ішінде 620 миллион қолданушы желіге смартфон арқылы кірген. ҒАМК мәліметінше Қытай дүкендерінде қазір 4 млн астам бағдарлама сатылады.