Қытайда 500 оқушы белгісіз заттан уланып, ауруханаға түсті
АСТАНА. ҚазАқпарат - Цзянсу провинциясының мектептерінің бірінің 493 оқушысы белгісіз химикатпен уланып, ауруханаға түсті.
Медициналық мекемеде оқушыларда дерматит, қан сараптамасының нашарлауы, кейбіреулерінен зиянды лимфома мен лейкемия анықталды. Бұл туралы РИА Новости хабарлады.
БАҚ ақпаратынша, мектеп жаңа ғимаратқа көшкенде оқушылар денсаулықтарының нашарлағанын аңғарды. Кейін мамандар оқу орнының ауасы мен суы ластанғанын анықтады. Бұрын бұл округте үш химиялық зауыт болған екен.
