Қытайда автобус жанып, 30 адам қаза тапты

АСТАНА. ҚазАқпарат - Қытайлық Хуань провинциясында соңғы деректерге қарағанда, автобус өртеніп, 30 адам қаза тапты, деп хабарлады Weibo әлеуметтік желісіндегі өз аккаунтында Қытай орталық телевидениесі, деп мәлімдеді РИА Новости.

Бұдан бұрын   құрбан болғандар - 7. зардап шеккендер - 21 адам екені айтылған.

56 жолаушымен автобус қоршауға барып соғылды. Соққы салдарынан машинаның майы ағып, автобус өртке оранды.

Оқиға орнына жеткен өрт сөндірушілер жалынды сөндірді. Қытайлық БАҚ жариялаған суреттерде автобус толықтай жанып кеткені анық  көрінеді.