Қытайда автобус жол апатына ұшырап, сегіз адам қаза тапты
АНЬХОЙ. ҚазАқпарат – Қытайдың шығысындағы Аньхой провинциясыда болған жол-көлік апаты салдарынан сегіз адам қаза тауып, тағы сегізі түрлі жарақаттар алды. Бұл туралы ҚазАқпарат «Синьхуа» агенттігіне сілтеме жасап хабарлайды.
Агенттік мәліметінше, оқиға дүйсенбі күні сағат 22:11-де Мааньшань ауданында орын алған. Ол жерде автобус пен жүк көлігі соқтығысты.
Зардап шеккендердің барлығы ауруханаға жеткізілді. Көліктердің соқтығысу себебі анықталуда.
