Қытайда биіктігі 632 метрлік «Шанхай мұнарасы» ғимаратының 76-шы қабатынан шыны құлады
АСТАНА. ҚазАқпарат - Қытайда ең биік «Шанхай мұнарасы» ғимаратының 76-шы қабатынан құлаған шыны сынығы жерде бір адамды жарақаттады.
Оқиға жұмыскерлер зақымданған шыныны жаңасына ауыстырып жатқан кезде орын алды. Жерге құлаған шыны шатынап ұшып, көліктен түсіп келе жатқан жүргізушінің аяғын тіліп кеткен, деп хабарлады мұнара әкімшілігінен.
Шыны жұмыскерлердің немқұрайдылығынан құлаған болуы ықтимал, тескру жүргізілуде, деп хабарлады әкімшіліктен.
«Шанхай мұнарасының» биіктігі 632 метр, ол Шанхай қаласының Пудун ауданында орналасқан, деп хабарлайды Синьхуа.
