Қытайда ғимарат опырыла құлап, 4 адамды басып қалды, 7-еуі құтқарылды
БЕЙЖІҢ. Синьхуа-ҚазАқпарат - Қытайдың солтүстік-шығысындағы Харбин қаласында кеңсе ғимараты опырыла құлап, салдарынан төрт адам қаза тапты және жетеуі жарақат алды. Бұл туралы ҚазАқпарат Синьхуа агенттігіне сілтеме жасап хабарлайды.
Агенттіктің мәліметінше, төтенше жағдай жергілікті уақытпен жексенбі күні сағат 15:10-да кеңсе шатырына жөндеу жұмыстарын жүргізіп жатқанда болған. 11 адам үйінді астында қалып қойған, оның жетеуі құтқарылды.
Барлық жарақат алғандар ауруханаға жеткізілді. Оқиғаның мән-жайы анықталуда, тергеу жүріп жатыр.
