Қытайда көлік апатында зардап шеккен қазақстандықтар елге оралды - ҚР СІМ
АСТАНА. ҚазАқпарат - Қытайда көлік апатында зардап шеккен қазақстандықтар ауруханадан шығып, елге оралды. Бұл туралы өзінің Твиттердегі жеке парақшасында ҚР Сыртқы істер министрлігінің ресми өкілі Алтай Әбибуллаев мәлім етті.
«Бүгінгі таңда ҚХР ШҰАӨ-дегі Жеменей қаласының маңында көлік апатында жапа шеккен барлық ҚР азаматтары ауруханадан шықты және Қазақстанға оралды», - деп жазады ол. Еске салайық, 13 наурызда Қытайда Қазақстан азаматтары мінген автобус апатқа ұшыраған болатын. Апат кезінде 2 қазақстандық көз жұмды, 19-ы жараланып, ауруханаға түсті.
