Қытайда көмір шахтасында болған апаттан 5 адам мерт болды
НҰР-СҰЛТАН. Синьхуа-ҚазАқпарат – Қытайда көмір шахтасында болған апаттан 5 адам мерт болды, деп хабарлайды ҚазАқпарат Синьхуа агенттігіне сілтеме жасап.
Жергілікті биліктің мәлімдеуінше, сенбі күні кешке Қытайдың оңтүстік-батысында орналасқан Юньнань провинциясындағы көмір шахтасында болған апаттан 5 адам қаза тапқан.
Апат Лопин уезіндегі «Шугэньтянь» шахтасында 22 кенші жер астында болған кезде, жергілікті уақыт бойынша сағат 21:10-да болған.
Құтқарушылар үйінді астынан бес кеншінің денесін алып шықты, тағы 17 адам құтқарылды.
Қазір апаттың мән-жайы анықталуда.
