Қытайда көмір шахтасындағы апаттан 11 кенші қаза тапты
БЕЙЖІҢ. ҚазАқпарат - Қытайлық Шэнси провинциясындағы шахтада апат салдарынан жер астында қамалып қалған кеншілерді құтқару операциясы нәтиже бермеді. Қазір 11 жұмыскердің қаза тапқаны анықталды. Бұл туралы Синьхуа агенттігі хабарлады.
6 қаңтарда Шэньму уезіндегі көмір тау жыныстары опырылған кезде шахтада 49 кенші қалып қойған еді. Олардың 38-і бірнеше сағаттан кейін құтқарылды. Алайда 11 кенші табылмаған болатын. Қазіргі уақытта қайғылы жағдайдың орын алу себептерін анықтау үстінде.
