Қытайда көшкін салдарынан 127 адам қаза тапты
БЕЙЖІҢ. Тамыздың 9-ы. ҚазАқпарат /Руслан Сүлейменов/ - Ганьсу провинциясының Ганьнань-Тибет автономиялық округіндегі (Солтүстік Батыс Қытай) Чжоуцюй уезінде өткен сенбі күні кешке көшкін жүріп, апат салдарынан 127 адам қаза тапты.
Жексенбі, тамыздың 8-і күні жүргізілген іздеу-құтқару жұмыстары барысында зардап шеккен 1242 адам құтқарылды, алайда 1294 адам із-түзсіз жоғалғандар қатарында. Қазіргі таңда табиғат апаты салдарының аумағынан 30 мың адам қауіпсіз жерлерге көшірілді.
Ганьсу провинциясының басшылығы апат аумағына қосымша шатырлар, киім, төсек орындар мен ұйықтауға арналған қап жіберілуі үшін Қытай Халық Республикасының Азаматтық әкімшілік министрлігінен көмек сұрады.
Қазір апат орнында іздеу-құтқару шаралары жүріп жатыр.
