Қытайда қуатты жарылыс болды

АСТАНА. ҚазАқпарат - Қытайда Шаньдун провинциясының Дунъин қалалық округінің Лицзинь уезіндегі индустриалдық аймақта орналасқан химия зауытында қуатты жарылыс орын алды, деп хабарлайды жергілікті БАҚ.

Өрт жалындары бірнеше шақырым жерден байқалған. Куәгерлердің айтуынша, бірінің артынан бірі бірнеше жарылыс болған. Әзірге жұмыскерлердің немесе жергілікті тұрғындардың зардап шеккені туралы мәліметтер жоқ. Оқиға орнына өрт сөндірушілер мен полиция қызметкерлері барды, деп хабарлайды Вести.