Қытайда лай көшкіні салдарынан құрбан болғандардың саны 29 адамға жетті

БЕЙЖІҢ. Тамыздың 23-і. ҚазАқпарат /Руслан Сүлейменов/ - Қытайдың оңтүстік-батысындағы Юньнань уәлаятының Гуншань уезінде лай көшкіні салдарынан құрбан болғандардың саны 29 адамға жетті, тағы 63 адам із-түзсіз жоғалғандар санатында.

Естеріңізге сала кетейік, тамыздың 18-інде Гуншань уезінің Пулади болысының аумағында нөсер жауынның салдарынан лай көшкіні жүрген болатын. Мамандардың анықтауынша, көшкіннің ауқымы 600 мың текшеметрді құраған.