Қытайда мұнай құбырында болған жарылыстан 22 адам қаза тапты
БЕЙЖІҢ. 22 қараша. ҚазАқпарат - Қытайдың шығысындағы Шаньдун провинциясының Циндао портты қаласындағы мұнай құбырында болған жарылыс салдарынан 22 адам қаза тапты, деп хабарлайды жергілікті билік.
Жарылыс бүгін жергілікті уақыт бойынша сағат 10:30-да қытайлық Sinopec ірі мұнай химия корпорациясына тиесілі мұнай құбыры тармағында жөндеу жұмыстары кезінде орын алды. Алдын ала бағалау бойынша, апатқа құбырдан түнде мұнай ағуы себеп болған.
Бұдан бұрын 48 адам зардап шегіп жергілікті ауруханаларға жеткізілгені туралы ақпарат таралған еді. Оқиға орнында іздеу-құтқару жұмыстары жалғасуды. Апат себептері анықталуда.
