17:19, 29 Қараша 2015 | GMT +5
Қытайда тас жолда 47 көлік соқтығысып, үш адам қаза тапты
АСТАНА. ҚазАқпарат - Солтүстік Қытайдың Шаньси провинциясына қарасты Хоума қаласының маңында 47 көлік соқтығысып, үш адам қаза тапты және жеті адам жарақат алды, деп хабарлады ТАСС "Синьхуа" агенттігіне сілтемемен.

Қазіргі сәтте полиция жолдың оқиға орын алған бөлігін жауып тастады. Апат орнында дәрігерлер мен өрт сөндірушілер жұмыс істеп жатыр.
Билік оқиғаның не себепті болғанын анықтап жатыр.