Қытайда жол апатынан 4 адам қаза тауып, тағы екеуі жарақаттанды

ХУХ-ХОТО. Синьхуа-ҚазАқпарат – Қытайдың солтүстігінде Ішкі Моңғолия автономды ауданындағы Чифэн қаласында болған жол-көлік апаты салдарынан төрт адам қаза тауып, тағы екі адам жарақат алды, деп хабарлайды ҚазАқпарат Синьхуа агенттігіне сілтеме жасап.

Жол-көлік оқиғасы жексенбі күні сағат 12:34-те орын алған. Провинциялық деңгейдегі автожолда келе жатқан екі көлік Чифэн қаласының Аохань хошун аумағында соқтығысқан, деп хабарлады жергілікті қоғамдық қауіпсіздік басқармасы.

Оқиғаның себептерін тергеу жұмыстары жүргізілуде.