Қытайда зілзаладан 280 мың адам зардап шекті
АСТАНА. Қарашаның 2-сі. ҚазАқпарат - Қытайдың оңтүстік-батысында болған зілзала салдарынан 28 адам жарақат алды және 280 мың адам материалдық шығынға ұшырады. Қолда бар деректерге қарағанда адам шығыны жоқ,
деп хабарлайды ҚазАқпарат ИТАР-ТАСС агенттігіне сілтеме жасап.
Магнитудасы 5 балдық жерасты дүмпуі дүйсенбі күні Бейжің уақыты бойынша сағат 05:07-де тіркелді. Зілзала кіндігі Юньнань провинциясындағы Биньчуань уезінде орналасқан.
Бір мыңнан астам тұрғын үй қираған, тағы 30 мың үй бүлінген. Зілзала сонымен қатар, жергілікті мал шаруашылығына да зиян келтірді: 430-дан астам бас ірі қара мал өлді.
