Қытайдағы ҚР елшілігінде әйелдер мерекесіне орай қабылдау өткізілді
БЕЙЖІҢ. 9 наурыз. ҚазАқпарат - Сәрсенбі күні ҚХР-дағы Қазақстан елшілігінде 8 наурыз - Халықаралық әйелдер күніне орай салтанатты қабылдау ұйымдастырылды.
Мерекелік рәсімге Бейжіңде жұмыс істейтін елшіліктің, сондай-ақ ұлттық компаниялардың өкілдері қатысты.
ҚХР-дағы Қазақстанның уақытша және сенімді өкілі, консул Казбек Сәрсембеков өз сөзінде «қазақстандық әйелдердің саясатта, экономикада, қоғамдық өмірде маңызды роль атқаратындығын, солардың арқасында тәуелсіз Қазақстан толымды табыстарға қол жеткізгендігін» атап өтті.
Кеш соңы мерекелік концертке ұласты.
