Қытайдағы мешітте 14 адам мерт болды
АСТАНА. 6 қаңтар. ҚазАқпарат - Қытайдың Нинся-Хуэйск автономдық ауданындағы мешітке халық әдеттегіден көп жиналып 14 адам қыспақтың ішінде қалып құрбан болды, деп хабарлайды мемлекеттік БАҚ. Аталған қайғылы жағдай кезекті діни шара кезінде орын алған.
Гуюань қаласындағы мешітте діндарлар келушілерге дәстүрлі тағамдарды тарату кезінде тәртіпсіздік орын алып нәтижесінде біраз адам зардап шеккен.
Адамдардың бірін-бірі басып жаншуы салдарынан 10 адам әртүрлі жарақат алып, оның төртеуі өте ауыр халде жергілікті ауруханаға жеткізілді. Биліктегілер болған жағдайға қатысты тергеу жұмыстарын бастап кетті.
Нинся-Хуэск автономдық ауданы Шыңжаң-Ұйғыр автономдық ауданы сияқты қытай мұсылмандары тығыз орналасқан аймақ болып саналады. Бұл өңірде 2 млн. аса мұсылман тұрады.
