Қытайдың солтүстігінде шахтаны су басып қалды, кеншілер құтқарылуда
АСТАНА. ҚазАқпарат - Қытайдың солтүстігінде Шаньси провинциясында көмір шахтасын су басып қалды.
Жер астында қалған 24 кеншіні құтқару жұмыстары жүргізіліп жатыр. Шахта иесі болып табылатын компанияның мәліметтерінше, су жексенбі күні кешке басып қалған. Жер астында апат кезінде 247 адам болған, олардың 223-і жер бетіне шығарылды. "Цзянцзявань" шахтасы Datong Coal Mine Group бірлестігіне тиесілі, жыл сайын онда 900 мың тонна көмір өндіріледі, деп хабарлайды ТАСС.
