Қытайлық аппарат Ай бетінен түсірілген Жердің алғашқы суреттерін жариялады - ФОТО
АСТАНА. 14 қаңтар. ҚазАқпарат - «Чанъэ-3» Ай бетінде жүруге арналған аппараты Жерді алғашқы рет суретке түсірді деп жазды lenta.ru.
Қытайлық «Чанъэ-3» модулі Айдан түсірген Жердің суретін берді. Сурет Ай бетінен 2013 жылғы 25 желтоқсанда түсірілген, алайда бүгін ғана жарияланды.
Қытай КСРО мен АҚШ елдерінен кейін Жердің табиғи серігінің бетіне ғарыш аппаратын жеткізе білген үшінші ел болды. «Чанъэ-3-ке» дейін соңғы рет 1976 жылы «Луна-24» кеңестік аппараты табысты қонған болатын. Станция Жерге 170 грамм айдың топырағын әкелген.
