Қытайлық азамат тездетіп шай дайындаудың әдісін тапты
АСТАНА. 8 қаңтар. ҚазАқпарат - Қытайлық дизайнер Соми Чой үнемі асығып жүретін шайқор жандардың өмірін жеңілдететін құрал ойлап тапты.
Оның Ocha шай капсуласы кез келген пластикалық бөтелкедегі шайды демдеуге мүмкіндік береді. Бар болғаны шай жапырағының бірнеше шөкімін капсулаға салып, оны ыстық суы бар бөтелкеге тастағаннан соң шайқау керек, хош иісті сусын дайын.
Оны бірнеше кесеге құюға да, тіпті бөтелкенің өзінен ішуге де болады, деп хабарлады Kedem. Егер бөтелкені суық суы бар капсуламен толтырып, оны өзіңізбен бірге жұмысқа немесе спортзалға ала барсаңыз, одан бірнеше сағаттан кейін сергітетін салқын шай ішуге болады.
