Қытайлық қорық 2015 жылы дүниеге келген алып пандаларды алғаш рет көрсетті

АСТАНА. ҚазАқпарат - Қытайдағы таулы Сычуань провинциясында орналасқан алып пандалар қорығы жұртшылыққа 2015 жылы туған 13 қонжықты алғаш рет көрсетті.

Daily Mail хабарлағандай, олардың қатарында 6 жұп егіз бар. Бұл аталған жер үшін рекорд.

Бұл жануарлар арнайы күтіммен қамтамасыз етіледі. Мұнда жойылып бара жатқан пандаларды көбейтумен айналысады. Бүгінгі таңда 1590 панда бар. 1970 жылдардың соңында әлемде барлығы 1000 панда ғана қалған болатын.