Қызылорда әкімдігі мұнай компанияларымен әлеуметтік-экономикалық дамытудағы өзара ынтымақтастық туралы меморандум жасасты

ҚЫЗЫЛОРДА. 21 сәуір. ҚазАқпарат /Жаңагүл Сердалы/ - Кеше Қызылорда облыстық әкімдігінде облысы әкімдігі және мұнай компаниялары арасында аймақты 2011 жылы әлеуметтік-экономикалық жағынан дамыту жөніндегі өзара ынтымақтастық меморандумына қол қойылды.

Оған облыс әкімдігі тарапынан облыс әкімі Болатбек Қуандықов, мұнай компаниялары тарапынан «Қазгермұнай» ЖШС бас директоры Лю Чжи мен бас директордың бірінші орынбасары Әнуар Ахметжанов,«Саутс Ойл» ЖШС вице-президенті Серік Мырзабеков және «Нұрсат-Бауыр және К» ЖШС директоры Аян Бекманбетов қол қойды.