Қызылорда қаласындағы «Самал» мейманханасын от шалды

ҚЫЗЫЛОРДА. 27 мамыр. ҚазАқпарат - Қызылорда қаласындағы 4 жұлдызды «Самал» мейманханасы бүгін от құшағына көмілді. Бұл туралы облыстық төтенше жағдайлар департаментінің баспасөз қызметі хабарлады.

Облыс орталығындағы «Самал» қонақүйінің өртеніп жатқаны жөніндегі хабар өрт сөндірушілер диспетчеріне 9 сағат 08 минутта жеткен. Өрттің жалпы аумағы 2420 шаршы метрді құрады. Тілсіз жау 10 сағат 41 минутта тоқтатылып, 11 сағат 3 минутта жойылды.

Құрбан болғандар мен зардап шеккендер жоқ. Өрттің себебі анықталу үстінде.

Оқиға орнында төтенше жағдайлар департаментінің 10 адамы мен 3 техника бірлігі жұмыс жасады.