Қызылорда мектептерінде алғаш рет «Кәсіпкерлік негіздері» оқытыла бастады

ҚЫЗЫЛОРДА. ҚазАқпарат - Қызылорда қаласының №9 мектеп-гимназиясы пилоттық мектеп деп таңдалып, 5-10 сыныптардың оқу жоспарына «Кәсіпкерлік негіздері» факультативтік пәні енгізілді, деп хабарлады облыстық Кәсіпкерлер палатасының баспасөз қызметінен хабарлады.

Нақтырақ айтқанда, Қызылорда облысының кәсіпкерлер палатасы облыс мектептерінде кәсіби бағдар беруге үлес қосу және кәсіпкерлікке баулу мақсатында облыстық білім, ішкі саясат, жұмыспен қамту және әлеуметтік бағдарламалар басқармаларымен және «Жастар жетістіктері» қоғамдық қорының өңірлік орталығымен бірге «Жастардың кәсіби бағытын жүйелеу бойынша бірлескен іс-шаралар жоспарын» жүзеге жатыр.

Ерекше атап өткен жөн, «Кәсіпкерлік негіздері» факультативтік пәні республика бойынша алғаш рет Қызылорда мектептерінен бастау алды.