Қызылорда облысында «Үздік әкімдік» байқауы өткізілді

ҚЫЗЫЛОРДА. Қыркүйектің 9-ы. ҚазАқпарат (Руслан Игілік) - Қызылорда облыстық тілдерді дамыту жөніндегі басқармасы мемле­кеттік тіл саясатын жүзеге асыру мақса­тында «Үздік әкім­дік» атты облыстық байқауын ұйымдастырды,

 деп хабарлайды ҚазАқпарат тілшісі.

Басқарма қызметкерлері осы байқауға байланысты аудандық әкімдіктерде болып, олардың мем­ле­кеттік тіл саясатын одан әрі жетілдіруге байланысты жүр­гізіп отырған жұмыстарымен танысып қайтты. Қазақы өңір болғандықтан, облыста мемлекеттік тілге басымдық беріледі. Дегенмен, бір­қатар аудан­дарда кейбір жағдайда іс-қағаз­да­рының  және бұйрық­тардың орыс тілінде қолда­ныла­тындығы байқалған.

Мамандар әрбір ауданның осы бағытта атқарып жатқан жұмыстарын саралай отырып, Арал және Жаңақорған ау­дан­ы әкімдіктерін бірінші орынға лайықты деп таныды. Одан кейінгі орындарды Шиелі аудан­дық және Қызылорда қалалық әкімдігі иеленді.