Қызылорда облысында жол апатында бес адам қаза тапты: тергеу комиссиясы құрылды
НҰР-СҰЛТАН. ҚазАқпарат - ҚР Еңбек және халықты әлеуметтік қорғау министрлігі (бұдан әрі – ҚР Еңбекмині) Қызылорда облысындағы Қызылорда-Құмкөл тас жолында орын алған, салдарынан 5 адам қаза тапқан ірі ЖКО-ның мән-жайларын тексеру үшін комиссия құрды. Бұл туралы ҚазАқпарат ҚР Еңбек және халықты әлеуметтік қорғау министрлігіне сілтеме жасап.
Ағымдағы жылғы 13 қаңтар күні сағат 14:30 шамасында Қызылорда-Құмкөл тас жолының 69 шақырымында «СНПС-Айдан Мұнай» АҚ-қа тиесілі «Mersedes-Benz sprinter» автокөлігі мен «СПМК» ЖШС-ға тиесілі «Toyota Hilux» автокөлігі соқтығысып, салдарынан оқиға орнында «СНПС-Айдан Мұнай» АҚ-ның 1 жұмыскері және «СПМК» ЖШС 2 жұмыскері қаза тапты.
Оқиға орнынан «жедел жәрдем» қызметі жоғарыда аталған компаниялардың зардап шеккен 8 жұмыскерін қалалық ауруханаға жеткізді, олардың ішінде ауруханаға барар жолда «СНПС-Айдан Мұнай» АҚ-ның 1 жұмыскері көз жұмды, «СПМК» ЖШС-нің 1 жұмыскері ауруханада қайтыс болды, «Бастау-S» ЖШС-нің 1 жұмыскері реанимация бөлімшесіне жатқызылды, «СНПС-Айдан Мұнай» АҚ-ның 1 жұмыскері амбулаториялық ем алу үшін үйіне жіберілді, қалған 4 жұмыскер ауруханаға жатқызылды.
ЖКО салдарынан жалпы 5 адам қаза тауып, 6 адам түрлі жарақат алды.
Топтық жазатайым оқиғаның мән-жайы мен себептерін тексеру үшін Еңбекмині Еңбек, әлеуметтік қорғау және көші-қон комитеті төрағасының өкімімен Қызылорда облысының бас мемлекеттік еңбек инспекторы Төреахмет Жолымбетовтің төрағалығымен арнайы комиссия құрылды.
Тексеру нәтижелері туралы қосымша хабарланатын болады.
