Қызылордада 6 айда ана өлімі тіркелген жоқ

None
None
ҚЫЗЫЛОРДА. ҚазАқпарат - Биылғы жылдың 6 айында облыста бала өлімінің көрсеткіші 53,5%-ға төмендеді, ал ана өлімі бірде-бір рет тіркелген жоқ. Бұл туралы облыстың бас дәрігері Ақмарал Әлназарова жергілікті БАҚ өкілдерімен кездесуде мәлімдеді, деп хабарлады ҚазАқпарат.

Өңірде бала өлімі көрсеткішін төмендету мақсатында облыстық балалар ауруханасы жанынан ашылған неонаталды хирургия бөлімшесіне жергілікті бюджеттен бөлінген 42 млн теңгеге  медициналық-құрал жабдықтар сатып алынған.

«Ағымдағы жылдың 6 айында алғаш рет өңірде  кеуде клеткасының деформациясына, жұлын-ми жарығы, жайылған перитонитке, бас сүйегі дефекттісіне, гидроцефалиямен  туылған 21 нәрестеге ота жасалынды», - деді Ақмарал Әлназарова.

Сонымен қатар ол облыста 0-5 жастағы балалардың аурушаңдығын  төмендету, өлім-жітімді болдырмау және балалардың физикалық-психикалық жетілуін жақсартуға мүмкіндік туғызатын «Тиімді технологиялар тренингтік орталығы» ашылғандығын атап өтті.

«Орталыққа  жергілікті бюджеттен  7 млн 500 мың тенге бөлініп, 1077 медицина қызметкерлері балалық шағындағы ауруларды ықпалдастыра емдеу   бағдарламасымен  оқытылды», - деді аймақтың бас дәрігері.

Оның айтуынша, бұл медицина қызметкерінің бала күтіме байланысты біліктілігін арттырып, ауыруды ерте анықтауға мүмкіндік береді.

Соңғы жаңалықтар