08:24, 12 Ақпан 2013 | GMT +5
Қызылордада бу қазандығы жарылды, бір адам мерт болды, екіншісі ауруханаға жеткізілді
АСТАНА. 12 ақпан. ҚазАқпарат - Кеше сағат 16.27-де Қызылорда қаласында «Квант» қонақүйінің бу қазандығы жарылды. Өрт болған жоқ.

Соның салдарынан 55 жастағы ер адам оқиға орнында мерт болды, 40 жастағы екінші адам ауруханаға жеткізілді. Төтенше жағдайды жоюға Қызылорда облысы бойынша ТЖД өртке қарсы қызметінің 14 адамы мен 4 техникасы, ҚР ТЖМ «Шұғыл құтқару қызметі» ММ-нің 5 адамы мен 1 техникасы, «ҚазТрансГазАймақ» АҚ-ның 2 адамы мен 1 техникасы жұмылдырылды.