Қызылордада гандболдан әйелдер арасында Қазақстан чемпионаты өтеді
АСТАНА. ҚазАқпарат-Үстіміздегі жылдың 24-28 желтоқсан аралығында «Евразия» спорт кешенінде гандболдан әйелдер арасында (супер лига) Қазақстан Республикасы XXIII чемпионатының плей-офф ойындары басталады. Бұл туралы облыстық дене шынықтыру және спорт басқармасының баспасөз қызметі хабарлады.
Оған «Алматы»ГК (Алматы қ.), «Іле» (Алматы обл.), «Алтай» СК (Өскемен қ.) және «Сейхун-ҚАМ-ҚМУ» (Қызылорда обл.) командалары қатысады.
Жарысты ұйымдастырушылар: ҚР Мәдениет және спорт министрлігі, ҚР гандбол федерациясы, Қызылорда облысының дене шынықтыру және спорт басқармасы.
