Қызылордада «Қаһарман ұлт» акциясы ұйымдастырылды

ҚЫЗЫЛОРДА. ҚазАқпарат - Қызылорда облысының жастар саясаты мәселелері басқармасының «Жастар ресурстық орталығы» КММ-сі мен Қызылорда политехникалық колледжінің ұйымдастырумен аталған оқу орнының ауласында «Қаһарман Ұлт» - «Нация героев» жалпыреспубликалық акциясы аясында оқу-жаттығу әскери шарасы өткізілді, - деп хабарлады ҚазАқпарат ХАА тілшісі.

Шара Ұлы Отан соғысында қаза тапқан сарбаздар мен бүгінде арамызда жоқ майдангерлерді бір минут үнсіздікпен еске алумен бастау алды.

Шараға «Жастар ресурстық орталығы» КММ-нің мамандары мен «Қызылорда облысы жастар Одақтары» ҚБ-нің өкілдері, Қызылорда политехникалық колледжінің оқу тәрбие-ісі жөніндегі маманы және белсенді студент жастар қатысты.