Қызылордада мұнай тасымалдайтын көлік цистернасын дәнекерлеу барысында жүргізушінің 30 жастағы көмекшісі қаза тапты

АСТАНА. Қыркүйектің 25-і. ҚазАқпарат - Қызылорда қаласының Сәулет ықшамауданында «КамАЗ» мұнайтасымалдағышының 30 кубтық цистернасын дәнекерлеру барысында газ-ауалық қоспа жарылды, деп хабарлады ҚР Төтенше жағдайлар министрлігінің баспасөз қызметінен.

Төтенше жағдай салдарынан 30 жастағы жүргізушінің көмекшісі оқиға орнында көз жұмды. Сонымен қатар 49 жастағы жүргізуші мен 26 жастағы дәнекерші ауруханаға жеткізілді.

Оқиға кеше күндіз сағат 13:30-да орын алды.