Қызылордада «Туған жер - тұнған тарих» атты жас ақын­дар байқауы өтті

ҚЫЗЫЛОРДА. Қыркүйектің 9-ы. ҚазАқпарат (Руслан Игілік) - Қызылорда облыстық ішкі сая­сат басқармасы және облыстық жастар орталығының ұйтқы болуымен «Туған жер - тұнған тарих» атты жас ақын­дар байқауы өтті,

 деп хабарлайды ҚазАқпарат тілшісі. 

Аталмыш байқауға 50-ге тарта жас ақындар қатысты. Облыстың 70 жыл­дығы мен Қызыл­орда қа­ласының 190 жылдық ме­рей­тойына орай өткізілген байқауда туған жер туралы жастарды пат­риоттыққа, отан­сүйгіштікке тәрбие­леуге ба­ғытталған шығармалар көпшілік назарына ұсынылды.

Облысымызға белгілі ақын­дар мен журналистерден құ­ралған қазылар алқасы­ның шешімімен ең үздік өле­ңімен танылған Мөлдір Айтбай бірінші орынға қол жеткізді. Сонымен қатар, Шаттық Қыс­таубай мен Мөлдір Тұңғышбаева жүлдегелер қатарынан көрінді.