Лаоста жоғары шенді әскерилер делегациясы мінген ұшақ апатқа ұшырады
АСТАНА. ҚазАқпарат - Лаостың жоғары әскери қызметінің ұшағы елдің солтүстігінде апатқа ұшырады. Оның ішінде жоғары шенді әскери басшылар болған, деп хабарлады Лаостың қорғаныс министрлігінің ақпаратына сілтеме жасаған Росбалт.
Әуе кемесінің бортында 14 адам болған, соның ішінде елдің қорғаныс министрі мен оның зайыбы, қоғамдық қауіпсіздік министрі мен Вьентьян мэрі бар. Делегация Лаостың халық армиясының екінші дивизиясының мерейтойын тойлауға бара жатқан. Ұшақ Сиенг Куанг провинциясының портына төрт шақырым жетпей апатқа ұшыраған.
Қайғылы оқиғаға байланысты, екінші дивизияның 55 жылдығын мерекелеуге арналған барлық салтанатты шаралар, соның ішінде әскери шеру тоқтатылды. Апат орнынан 9 адамның мәйіті табылды.
