Лас-Вегастағы атыс лаңкестікпен байланысты емес
АСТАНА. ҚазАқпарат - АҚШ-тың Федералды тергеу бюросы Лас-Вегастағы атыстың лаңкестікке қатысы еместігін мәлімдеді. Бұл туралы баспасөз конференциясында ФТБ арнайы агенті Аарон Роуси айтты, деп жазады New York Post.
«Оқиғаны лаңкестікпен байланыстыратын ешқандай айғақ табылған жоқ, бірақ біз алдын ала ештеңені жоққа шығармаймыз», - деді Роуси. Сондай-ақ ол қанқұйлы қылмыскердің құрбысы Мэрилу Дэнли қамауда емес екенін жеткізді. Дегенмен ФТБ өкілі оның қазіргі тұрған орны туралы ақпарат берген жоқ.
Еске сала кетейік, 2 қазан күні түнде Стивен Пэддок Лас-Вегаста кантри музыка фестивалі кезінде қонақүй кешенінің 32-қабатынан тұрып адамдарға оқ жаудырған еді.
