Лас-Вегастағы GGG - Canelo айқасынан ҚазАқпараттың арнайы тілшісі ақпарат таратады

ЛАС-ВЕГАС. ҚазАқпарат - Лас-Вегасқа әлемнің түкпір-түкпірінен Геннадий Головкин мен Сауль Альварестің жанкүйерлері жиналуда. «ҚазАқпарат» ХАА сайтында бокс жекпе-жегі туралы ақпарат тарату үшін осы қалаға арнайы «Қазақстанның спорт технологиялары» ЖШС бас директоры, спорт шолушысы Арнұр Ибраев келді.  Ол айқасқа дайындық туралы және осы спорт оқиғасы жайлы толғаныстармен бөлісетін болады. 

Sports.kz хабарлауынша, ESPN Deportes журналисі Карлос Нарваэс алдағы Геннадий Головкин мен Сауль Альварес жекпе-жегіне болжам жасаған.

«Канелоның» бұл айқасқа жоғары дайындықпен келетініне күмәні келтірмеймін, алайда Головкинді жеңуге ол жеткіліксіз болады деп ойлаймын. GGG - нағыз орта салмақтағы чемпион, мықты, жүрегі кең боксшы. Бұл мексикалық стильдегі екі боксшының ұлы айқасы болады. Менің ойымша, Головкин оныншы раундта нокаутпен жеңеді», - деді Нарваэс.

16 қыркүйек күні АҚШ-тың Лас-Вегас қаласындағы «T-Mobile» аренада Геннадий Головкин мен Сауль Алварестің көптен күткен жекпе-жегі өтеді. Айқасты «Qazaqstan» және «Qazsport» телеарналары тікелей эфирден көрсетеді. Уақыт айырмашылығына байланысты трансляция 17 қыркүйек күні сағат 6:00-де басталады.