Латвия үкіметі отставкаға кетті
АСТАНА. ҚазАқпарат - Латвия Премьер-министрі Лаймдота Страуюма Латвия үкіметі отставкаға кететіні жөнінде жариялады. Президент Раймонд Вейонис үкімет отставкасын қабылдады.
Вейонис қиын кезеңдерде үкіметті басқаруға бел буғаны үшін Страуюмаға алғыс айтты. "Техникалық премьер" Страуюманың жұмысы екі жылға созылды. Страуюманың отставкаға кету себебі хабарланбады, деп жазды Би-би-си .
2014 жылы ол басқарған коалиция парламенттік сайлауда жеңіске жетті. Латвиялық БАҚ хабарлағандай, үкімет пен премьердің отставкаға кетуі туралы сөздер соңғы бірнеше апта бойы айтылған.
