Ливанда «шпион» құсты қолға түсірді
АСТАНА. ҚазАқпарат - Қорықтан қашып кеткен израильдік құзғынды Ливанда шпиондыққа қатысы бар деп ұстаған болатын. Құс бостандыққа жіберілді.
Израиль табиғатты қорғау агенттігінің хабарлауынша, құзғын осыдан үш күн бұрын қорықтан қашып кетіп, израиль-ливан шекарасынан ұшып өткен. Оны шекарадағы ливандық Бинт-Джубайль қаласының тұрғындары ұстап алған.
Құстың аяғындағы Тели-Авив университетінің таңбасы бар GPS-трекерді көрген жергілікті тұрғындар құс тыңшылық мақсатпен жіберілген деп есептеген. Олар құзғынды бағанаға байлап қойған.
Ливан БАҚ-тарының хабарлауынша, оның тыңшылыққа қатысы жоқтығын білгеннен кейін босатып жіберген.
