Ливия жағалауларында кеме апатқа ұшырады: кемінде 200 адам ажал құшты
АСТАНА. ҚазАқпарат - Еуропаға жол тартқан шамамен 250 мигрант бар кеме Ливия жағалауларында апатқа ұшырады, деп хабарлады бүгін Рейтер агенттігі Ливия Әскери-Теңіз күштеріне сілтеме жасап.
Әскерилер Триполидан шығысқа қарай Таджура қаласы маңында суға батқан кемеден 26 адамды ғана құтқарды. «Теңізде өлі денелер өте көп», - деп мәлім етті елдің Әскери-Теңіз күштерінің өкілі Айюб Кассем, ол мерт болған адамдардың нақты санын айта алмады.
Жасырын көші-қон соңғы жылдары Еуроодақ елдері үшін өте проблемалы мәселеге айналды. 2010 жылы Ливия африкандық мигранттардың ЕО-ға барар жолындағы негізі бекет болды, ал жасырын көші-қон қылмыстық іске жатқызылды.
Нақ осы ауқымды жерортатеңіздік ливиялық шекара жыл сайын еуропалық елдерге жұмыс және жайлы өмір іздеп аттанған мыңдаған жасырын мигранттар аттанатын басты нүкте болды.
