Ливияда қаза болғандардың саны 600-ге жетті
АСТАНА. 22 ақпан. ҚазАқпарат - Тәртіпсіздіктер мен ливиялық оппозиционерлердің үкіметтік күштермен қақтығыстары нәтижесінде 600 адам қаза тауып, мыңдаған Ливия тұрғындары жараланды. Бұл деректерді 22 ақпанда Гаагадағы Халықаралық қылмыстық сот келтірді,
деп хабарлайды Лента.ру «Әл Арабияға» сілтеме жасай отырып.
Бұдан бұрын есімін атамаған оппозиция басшысы жорналшыларға 560 адамның қаза болғанын, 1400 адамның із-түзсіз жоғалып кеткенін айтты. 21 ақпанда Human Rights Watch өкілдері қаза болғандардың саны 360 болғанын хабарлады.
