«Локомотив» футбол клубы жаттығу жиынын Бурабайда өткізіп жатыр

 деп хабарлайды ҚазАқпарат клубтың баспасөз қызметіне сілтеме жасап.

Олар Көкшетаудағы әйгілі демалыс орнына маусымның 29-ы күні «Оқжетпес» командасымен өткен ойыннан кейін аттанған болатын. Олардың бұл жиыны шілденің 3-іне дейін созылмақ. Олар осы күні Астанаға қайта оралып жаңа стадионның ашылуына орай Қазақстанның жастар құрамасымен жолдастық кездесу өткізеді.  Одан кейін ойыншылар  премьер-лигадағы ел чемпионатының екінші кезеңіне дайындығын бастайды. Екінші кезеңдегі алғашқы кездесу шілденің 14-і күні «Оқжетпес» футболшыларымен болады. Егер «Оқжетпес» Еуропа лигасындағы бірінші іріктеу кезеңіндегі ойынында Молдованың «Зимбру» клубынан басым түссе, бұл матч шілденің 16-сына ауыстырылуы мүмкін. «Локомотив» бұдан кейін  шілденің 19-ы күні сырт алаңда ел чемпионатының көшбасшысы «Ақтөбемен» кездеседі. Ал үшінші кездесу шілденің 26-сы күні Астанада Өскеменнің «Восток»  клубымен жоспарланып отыр.