ЛОНДОН-2012: Ольга Довгун Олимпиада жүлдесінен ығысып қалды

АСТАНА. 4 тамыз. ҚазАқпарат - 50 метрлік қашықтықтан 3 қалыпта аз калибрлі винтовкадан ату сынында ардагер мерген Ольга Довгун біліктілік кезеңінен өтпей қалды.

Осылайша, құралайды көзге атқан Ольга Довгун Олимпиада жүлдесі үшін таласа алмайтын болды.
Жалпы спорт шенеуніктері 2002, 2006 жылғы Әлем және Азия чемпионынан «алтын» медаль күткен болатын. Алайда 578 ұпай жинаған спортшымыз 24-орынға ғана қол жеткізіп, іріктеуден сүрінді. Айта кетейік,  бұл - жерлесіміздің 4-ші олимпиадасы.