Лондон сити әуежайында барлық рейстер кейінге шегерілді
АСТАНА. ҚазАқпарат - Ұлыбритания астанасындағы Лондон сити әуежайында барлық рейстер кейінге шегерді, деп 24.kz хабарлайды телеарнасы. Бұған «Қаранәсілділердің өмірі маңызды» қозғалысы белсенділерінің наразылығы себеп. Ереуілшілер әуежайдағы жалғыз ұшақтардың ұшып-қону жолағын басып алған. Оқиға орнына полицейлер келді. 9 шеруші әуежай аумағында бірін-бірі кісендеп, кетуден бас тартқан.
Сонымен бірге, «British airways» әуе компаниясының компьютер жүйелерінен ақау шықты. Осыған байланысты Лондон мен АҚШ аумағындағы әуежайлардың жұмысында кедергі туындаған. Компания рейстердің бөгелгені үшін кешірім сұрады.
Естеріңізге сала кетейік, қара нәсілділердің қозғалысы 2013 жылы Американың Калифорния штатында полицейлердің әрекетіне қарсылық ретінде құрылған. Лондон сити - негізінен қаланың іскер аудандарына қызмет көрсетуге арналған шағын әуежай. Онда бір ғана ұшып-қону жолағы бар.
