Лондонда өтіп жатқан форумда ҚР Білім және ғылым министрі баяндама жасайды

АСТАНА. Қаңтардың 12-сі. ҚазАқпарат - Қаңтардың 11-13-і аралығында Лондонда 50 мемлекеттің білім және ғылым министрлерінің, 70 мемлекеттің 750-ден астам білім беру мекемелері басшыларының қатысуымен әлемдік деңгейдегі форум өтіп жатыр.
None
None

Оған еліміздің Білім және ғылым министрі де қатысуда. Бұл ақпаратты ҚР Білім және ғылым министрлігінің баспасөз қызметі таратып отыр.

Ведомствоның хабарлауынша, арнайы шақырылған еліміздің Білім және ғылым министрі алқалы жиын барысында баяндама жасамақ.

Форумның негізгі мақсаты - білім және жоғары технология саласындағы көшбасшылардың басын қосу, өзара тиімді және соны идеялар мен бағалы тәжірибелермен алмасу. Онда қаралатын тақырыптардың бірі - білім берудегі мәселелерді қайта қарау. Бұл өз кезегінде өмірдің барлық саласында аймақтық және әлемдік көшбасшылыққа ұмтылып отырған ұлттық экономиканың қарқынды дамуы жағдайында маңызға ие. Қазіргі заманның осы және басқа да өзекті мәселелері жоғары технологияны дамыту келешегі шеңберінде қарастырылады.

Соңғы жаңалықтар