Лондонда Семей полигоны туралы деректі фильмнiң дүниежүзілік тұсаукесері өттi
АСТАНА. 13 мамыр. ҚазАқпарат - Сәрсенбі күні кешке Лондондағы Prince Charles Cinema-да Семей полигонындағы ядролық сынақтан зардап шеккен адамдар туралы түсірілген «Ақырзаманнан кейін» деректі фильмінің дүниежүзілік тұсаукесері өттi,
деп жазады Wellcom trust.
Фильм тұқым қуалайтын генетикалық аурудан зардап шегетiн қазақ қызы Бибiгүлдiң қайғылы тағдыры туралы әңгiмелейдi. Аяғы ауыр Бибiгүлге дәрiгерлер түсiк жасатуға кеңес бередi, өйткенi бала Даун синдромымен дүниеге келуі мүмкін. Бибiгүл өмірге дені сау бала әкеле ала ма, жоқ па? Фильмнiң басты шытырман оқиғасы осы.
«Ақырзаманнан кейін» деректі фильмін жазда Ұлыбританияның барлық кинотеатрларында көрсете бастайды.
